Car lector, car lectrice,
le independentia de Wikipedia in italiano es de novo menaciate.
Nunc le Senato italian discute un projecto de lege concernente le diffamation (DDL n. 3491). Alcun emendamentos, 3.204, 3.400 e in particular le 3.207, poterea obligar Wikipedia a rectificar o deler contentos simplemente quando requirite per quicunque los considera injuriose a su imagine o vita private, e imponer sanctiones pecuniari usque a 100 000 euros in caso de non-remotion.
Wikipedia recognosce le derecto al tutela del reputation de cata uno. Le voluntarios que hic contribue gratuitemente jam se ingagia omne die pro garantir lo. Le approbation de iste lege, totevia, obligarea a alterar le contentos independentemente de lor veritate. Un tal obligation ruinarea le principios fundamental de Wikipedia, illo esserea un limitation inacceptabile de su autonomia e un pesante menacia al activitate de su 15 milliones de voluntarios dispersate in tote le mundo, que esserea inducite a cessar de occupar se de specific themas o personages, anque solmente pro "non haber problemas".
Wikipedia es le plus grande obra collective del historia del genere human: in 12 annos illo ha potite devenir parte del habitudes de milliones de usatores del Rete in cerca de un saper neutral, gratuite e super toto libere. Le edition in lingua italian ha quasi un million de articulos, que recipe 16 milliones de visitas quotidian, sed iste lege poterea obscurar los pro sempre.
Le Encyclopedia es patrimonio de totes. Nos non permittera que illo dispare.
| 
